Durrës, 19 shtator 2011, NOA- Një 25 vjeçar nga qyteti i Durrësit i identifikuar si Flogert Hyka rreth mesnatës në lagjen Nr. 4 të qytetit me automjetin e tij tip Golf 3 me targa DR 3919 ka tentuar të vrasë rojën private të parkingut të një qendre tregtare, bashkëqytetarin e tij me iniciale S.G., 22 vjeç. Ndërsa i riu, objektiv i sulmit është shmangur dhe për pasojë nuk ka pësuar dëmtime nga shpejtësia e automjetit është dëmtuar një tjetër shtetas me iniciale A.S, 25 vjeç, i cili ishte duke kaluar rrugën. Pas kësaj i dëmtuari u dërgua në gjendje të rëndë në spitalin e Durrësit, por falë ndërhyrjes së bluzave të bardha u bë e mundur nxjerrja nga rreziku për jetën. Lidhur me këtë ngjarje 25 vjeçari Hyka përfundoi në prangat e uniformave blu, ndërsa u sekuestrua edhe automjeti i tij. Ndërkaq ndaj të riut materialet për veprat penale të “Vrasje me dashje e mbetur në tentativë” dhe “Shkelje e rregullave të qarkullimit rrugor” i kaluan Prokurorisë së Durrësit. a.y/NOA
