Ankara, 20 shtator 20 11, NOA – Një shpërthim i fuqishëm në qendër të Ankarasë i ka marrë jetën të paktën dy personave, ndërsa dhjetë të tjerë kanë mbetur të plagosur. Lajmin e bëjnë të ditur mediat turke. Sipas policisë, shkak për shpërthimin dyshohet të jetë bërë një bombë. Autoritetet e sigurisë dhe policisë në kryeqytetin turk janë vënë në alarm duke evakuuar tërë zonën e Ankarasë ku mbetën të vdekur dy vetë. Mediat bëjnë me dije se policia dyshon edhe për praninë e dy bombave të tjera të vendosura në kryeqytet. Ndërkohë pamjet tregojnë efektivë të forcave të sigurisë të veshur me jelekë antiplumb të cilët po patrullojnë në tërë zonën me qen anti-eksploziv duke hequr makinat e parkuara dhe hetuar vendin e shpërthimit. mit/NOA
Në foto: Pamje nga shpërthimi i eksplozivit në Ankara
