Kaliforni, 10 tetor NOA - Nëse keni ndërmend Lady Gaga-n provokuese dhe të “tmerrshme” si gjithmonë duhet ta hiqni nga mendja... Këngëtarja faktikisht së bashku me Tony Bennett është paraqitur në një version të sofistikuar për një duet klasik të Rodgers dhe Hart “The Lady Is A Tramp”. Është një këngë që është bërë e famshme nga Frank Sinatra, të cilën Bennett dhe ylli i popit e kanë interpretuar në një mënyrë tepër klasike. Megjithatë sërish Lady Gaga e ka provuar personazhin e saj duke u paraqitur me flokët e saj në ngjyrë blu. Nëse për Bennett, kjo këngë është një pjesë perfekte për repertorin e tij, për Lady Gaga diçka e tillë mund të themi se ishte një surprizë e vërtetë. r.b/NOA
