Durrës, 12 tetor 2011, NOA- Lidhur me vdekjen e 24 vjeçarit Juxhin Guza në qytetin e Durrësit, kur 1 muaj më parë u qëllua me thikë në lagjen nr. 5 të Durrësit ka vënë në dispozicion 30 mijë euro për këdo që jep informacion për autorin e kësaj vrasje. Nga ana e policisë thuhet se pavarësisht hetimeve nuk është bërë e mundur identifikimi i autorit dhe bashkëpunëtorëve të tjerë në këtë krim. Drejtoria e Policisë së Durrësit, në bashkepunim me Drejtorinë e Përgjithshme të Policise Shtetit, fton të gjithë personat të cilët kanë dijeni mbi autorësinë, rrethanat dhe motivet e kësaj ngjarje, ta vënë këtë informacion në shërbim të hetimit dhe për këtë qëllim, në dispozicion të këtyre personave vihet shuma prej 30.000 Euro, si dhe garantohet anonimati absolut. Lidhur me këtë ngjarje vihet në dispozicion të qytetarëve numrat telefonikë të drejtuesve rajonalë të Policisë Durrës: -Drejtori i Policisë Qarkut Durrës, në numrin 069 41 02 987 -Zv/Drejtori i Policisë Qarkut, në numrin 069 41 02 733 a.y/NOA
