Kaliforni, 17 tetor NOA - Javier Bardem do të interpretojë rolin e “të keqit” në filmin e ardhshëm të James Bond. Ky lajm është konfirmuar nga vetë aktori 42-vjeçar spanjoll në një intervistë në emisionin e mbrëmjes të Abc Nightline: “Jam tepër i emocionuar pasi prindërit e mi gjithmonë më çonin për të parë filmin e 007 dhe i kam parë të gjithë dhe fakti që do ta interpretoj vetë është tepër zbavitës”, - deklaroi bashkëshorti i Penelope Cruz. “ më kanë zgjedhur për të interpretuar këtë person, por që nuk mund t’iu jap detaje të tjera”, - shtoi aktori që në vitin 2007 ka fituar dhe çmimin oskar. Episodi i ardhshëm i i sagës së agjentit sekret, titulli provizor i të cilit është “Bond 23”, por që janë të shumtë ata që pohojnë se emri do të jetë “Skyfall”, do të drejtohet nga Sam Mendes. Në kastin e aktorëve konfirmohen Daniel Craig, Judi Dench, Naomie Harris dh vajza “bond” francezja Berenice Marlohe. Xhirimet do të nisin në muajin nëntor, ndërkohë që në kinema pritet që filmi të dalë në fund të vitit 2012. r.b/NOA
