Vlorë, 22 tetor 2011, NOA- Në kuadër të operacionit të koduar “Vjeshta 2011” policia e Vlorës ka kapur dhe sekuestruar dy automjete. Automjeti i parë i bllokuar është tip Audi A6, me targa TR 0538 T i cili mbas verifikimeve të kryera në Interpol ka rezultuar si i vjedhur në Bosnje-Hercegovinë në datë në tetor të vitit 2000 dhe ishte shpallur në kërkim në vitin 2011. Ndërkaq mjeti i dytë i bllokuar është ai tip Mercedes-Benz 250 D, me targa VL 5844 C, i cili nga verifikimet e kryera ka rezultuar si i vjedhur në Serbi në vitin 1998 dhe ishte shpallur në kërkim. Lidhur me këtë rast materialet i kaluan Prokurorisë së Vlorës, ndërsa nga ana e policisë po vijon puna në bashkëpunim me Interpol dhe Europol për zbulimin e mënyrave dhe rrugëve për trafikimin e automjeteve të vjedhura dhe më pas të trafikuara në Shqipëri. a.y/NOA
