Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Okupimi i Wall Street
English

Okupimi i Wall Street

Thirrjet për një sistem më të koordinuar të rregullimit të financave ndërkombëtare janë shtuar, pasi protestat e lëvizjes Okupimi i Wall Street-it në Nju Jork, ka inspiruar demonstrata të ngjashme në gjithë botën.

Aktivistët e nisën në shtator lëvizjen Okupimi i Wall Street-it, në pjesën financiare të Nju Jorkut dhe që në fillim kanë nxjerrë në pah premtimet e papërmbushura për rregullime më të ashpra të institucioneve financiare, të cilat ata i fajësojnë për krizën globale ekonomike.

Mark Brej, zëdhënës i lëvizjes Okupimi i Wall Street-it, thotë se protestuesit ndjejnë se njerëzit punonjës janë të lënë pas dore.

“Është e qartë se populli ndjen se politikanët nuk i kishin bërë prioritet nevojat e njerëzve punues. Bile edhe nëse partitë politike ndërrohen, kur ndodhi përplasja ekonomike dhe kur bankierët e Wall Stree-it spekulonin, prapë se prapë njerëzit punonjës ishin ata që vuajtën, ndërsa institucionet financiare vazhduan biznesin e zakonshëm”, tha Mark Brej.

Presidenti amerikan, Barak Obama, aktualisht ka thënë se lëvizja Okupimi i Wall Street-it, u jep zë frustrimeve më të gjëra për mënyrën se si lobistët e sektorit financiar punojnë për të parandaluar vendosjen e rregullave më të rrepta.

“Mendoj se kjo i shpreh frustrimet që populli amerikan i ndjen se ne e kemi krizën më të madhe prej Depresionit të Madh, dhe ju ende i shihni disa prej njerëzve të njëjtë, që vepruan në mënyrë të papërgjegjshme, duke u përpjekur t’i luftojnë synimet për goditjen e praktikave abuzuese, që na sollën ne në këtë problem”, tha presidenti Obama.

Në nivelin global, kritikët argumentojnë se rregullatorët ndërkombëtarë kanë dështuar ta mbajnë hapin me globalizimin e tregjeve financiare.

Shumë ekonomistë thonë se problemi nuk qëndron në mungesën e institucioneve globale. Sipas tyre, nuk ekziston hierarki ndërmjet rregullatorëve ekzistues dhe as autoritet qendror, që do të kishte forcë për aksion urgjent.

Bile, edhe brenda grupeve rajonale ekonomike, siç është eurozona, qeveritë kombëtare hezitojnë të heqin dorë nga sovraniteti i tyre, te një shtet më i fortë qendror në Bruksel, kur kemi të bëjmë me federalizimin fiskal në Evropë.

Në këtë kuadër, Anke Hasel, profesoreshë e politikës publike në Shkollën e qeverisjes Herti në Berlin, thotë: “Në fushën tonë, ekonomia politike, qartazi diskutimi aktual është shumë në krizën e borxhit sovran dhe në krizën e euros. Ajo që mungon është realisht diskutimi më fundamental për atë se si institucionet ekonomike, politikat ekonomike dhe institucionet politike ndërveprojnë në Evropë dhe si ne mund ta lëvizim përpara këtë veprim interaktiv, meqë qartazi ekonomia evropiane është në pikën e krizës dhe në pikën e kthimit”, tha profesoresha Anke Hasel.

Edi Vajmerh, ish kryesues i Komitetit të Rregullatorëve Evropianë të Sigurisë, ka sugjeruar se kriza globale ekonomike e ka larguar edhe më tepër botën nga krijimi i një forme të autoritetit financiar global.

Fituesi i Çmimit Nobel për Ekonomi, në vitin 2001, Xhozef Stiglic, i tha Radios Evropa e Lirë, se lobistët e industrisë bankiere ishin përgjegjës për ngadalësimin e veprimeve drejt reformës rregullatore.

“Ishte një përpjekje e lehtë pas vitit 2008, por ishte kthyer prapa nga bankat. Pra kishte ndodhur pak në reformimin e sektorit rregullator financiar. Kjo ka ndikuar që ne të mos merremi me problemet e theksuara. Faktikisht, disa nga problemet më të theksuara ishin përkeqësuar. Pra, tash kemi banka, që janë shumë të mëdha për të dështuar, pabarazi... të gjitha këto gjëra aktualisht janë rënduar nga vetë kriza”, tha Xhozef Stiglic.

Britania është një rast kur kemi të bëjmë me lobistët e sektorit financiar dhe interesat kombëtare, që i kundërshtojnë thirrjet për reforma globale të rregullatorëve.

Në fillim të krizës globale ekonomike, qeveria britanike fillimisht kishte thënë se sistemi i saj i rregullimit financiar më nuk ishte i përshtatshëm dhe se do të duhej të ndryshojë në kornizën e promovimit të veprimtarisë “bankare përgjegjëse dhe të qëndrueshme”.

Por në fund, shumë prej reformave të propozuara ishin ndalur, për shkak të argumenteve nga personalitetet brenda sektorit financiar se ashpërsimi i rregullatorëve mund ta rrezikoj rolin qendror financiar të Britanisë në Evropë.

Propozimet e Bashkimit Evropian për kufizime më të mëdha të rregullimeve të fondeve, kishin hasur në rezistencë nga Londra, si “anti-kompetitive”.

Qeveria britanike kishte konkluduar se për rregullim duhet të arrihet pajtim në nivel global, kështu që firmat thjesht të mos migrojnë në vendet me më pak rregullime të rrepta.

Deklaratë për media E deputetit të PS, Blendi Klosi Dje socialistët treguan edhe njëherë se kjo është partia e lirive dhe e të drejtave. E demokracisë reale dhe e demokratëve të vërtetë. E progresit shoqëror dhe dinjitetit njerëzor. Faleminderit 57.140 anëtarëve të Partisë Socialiste që u shprehën dje me votën e tyre për zgjedhjen e Kongresit të ri të socialistëve e të progresistëve shqiptarë. Po të mbajmë parasysh numrin zyrtar të anëtarësisë, shifra e pjesëmarrjes së djeshme ishte 64%. Por po të llogarisim faktin se, njësoj si për zgjedhjet parlamentare apo vendore në Shqipëri, ka një numër të konsiderueshëm votuesish që jetojnë në emigracion, pjesëmarrja e djeshme vlerësohet mbi 85%. Kjo është Partia Socialiste. 57.140 anëtarë kanë zgjedhur dje 865 delegatë me votë të drejtpërdrejtë mes 1380 kandidatësh të propozuar nga organizatat socialiste nga veriu në jug të Shqipërinë. Kjo është demokracia e brendshme në Partinë Socialiste. 344 delegatë janë gra e vajza. Pra mbi 40% e Kongresit të kësaj partie. Kjo është fryma emancipuese e Partisë Socialiste për një Shqipëri të ekuilibruar në përfaqësimin gjinor të saj. Kush ankohet për mungesë lirie në PS, nuk di ç’ të bëjë me lirinë. Kush do ta përdorë lirinë për të bërë diçka të mirë për këtë vend ja ku e ka PS-në. Të lirë. Demokratike. Të bashkuar. Të vetmen parti ku liria punon dhe garanton çdo anëtarë në lirinë e vet. Tanimë Kongresi i 5 nëntorit është zgjedhur. Në 5 nëntor kongresi do të bëjë zgjedhjet e duhura politike për Shqipërinë. Zgjedhjen e duhur politike për ndryshimin radikal të sistemit të taksimit në Shqipëri. Zgjedhjen e duhur politike për ndryshimin radikal të sistemit shëndetësor në Shqipëri. Zgjedhjen e duhur politike për ndryshimin radikal të sistemit arsimor në Shqipëri. Zgjedhjen e duhur politike për ndryshimin radikal të politikës në fshatin shqiptar. E me radhë, për të pastruar Shqipërinë. Nga plehrat. Nga korrupsioni, nga fukarallëku dhe llumi që ka zhytur pushteti shtetin. Nga mbeturinat e të shkuarës që kanë bllokuar rrugën e integrimit. Kongresi i sapozgjedhur ka një mandat të fortë për të bërë zgjedhjet e duhura për një politikë të re të ndryshimit. Ka mbështetjen e plotë të anëtarësisë dhe të Shqipërisë progresiste. Ka barrën e rëndë të vënies së mandatit të vet në shërbim të gjithë shqiptarëve. Kongresi i 5 nëntorit do të jetë momenti i bashkimit të madh të socialistëve e progresistëve shqiptarë me një vizion të ri evropian për Shqipërinë. Rreth një programi rimëkëmbje e pastrimi të plotë të Shqipërisë. Në mbështetje të palëkundur të interesave kombëtare e qytetare të shqiptarëve të marrë peng nga pushteti i korrupsionit e i plehrave që po e mbysin sot Shqipërinë./RFE/

KOMENTE