Vietnam, 29 Tetor 2011 NOA - Mjekët thonë se janë shokuar nga rasti i një të reje 23 vjeçare, e cila për shkak të një sëmundjeje është transformuar në harkun kohor të disa ditëve në një grua afro 70 vjeçare sikundër shihni dhe dy fotot e shkrepura gjatë pak ditëve të fundit.
Historia në fjalë ka bërë xhiro në rrjetet e mjekësisë botërore dhe të gjithë pyesin sesi është e mundur një mënyrë plakjeje e tillë e parakohshme.
Gruaja e quajtur Nguyen Thi Phuong është nga Vietnami. Ajo tregon se vetëm brenda disa ditësh fytyra e saj është rrudhosur në një mënyrë të pabesueshme.
Bashkëshorti i saj, Nguyen Thanh Tuyen, ka thënë për mediat vendase se bashkëshortja e tij ishte një grua e bukur, por edhe tani ai nuk ka reshtur së dashuruari atë.
Mjekët janë ndarë në ato që mund të quhen shkaqet e ndryshimit të papritur, disa mendojnë se mund të jetë lipodistrofia, një sëmundje e rrallë që shkakton rritjen e tepërt të indeve në lëkurë. Raste të tilla mendohet se prekin 2000 persona në botë.
Gruaja e demoralizuar flet për gazetarët duke treguar fotografitë e jetës së saj.
Ndër shkaqet nuk përjashtohet edhe një reaksion i fortë alergjik i shkaktuar nga një ushqim me bazë peshku.
k.e/NOA
