Korçë, 30 tetor 2011, NOA- Një shtetas grek i moshës 86 vjeçare është gjetur i vdekur në dhomën e një hoteli në Korçë.
I moshuari është gjetur i pajetë në orët e para të mëngjesit të ditës së djeshme në lagjen nr. 7 në Korçë, në një dhomë hoteli të cilën e kishte prenotuar për të fjetur.
Nga ana e policisë u bënë verifikimet përkatëse dhe u konstatua se trupi i pajetë i përkiste Dhimiter Anagnostit banues në Athinë të Greqisë.
Sipas të dhënave paraprake thuhet se vdekja e të moshuarit ka ardhur për shkaqe natyrale.
a.y/NOA
