Genova, 4 nëntor 2011, NOA- Nga përmbytjet që përfshin së fundmi Italinë, dyshohet që mes viktimave të jetë edhe një 28 vjeçare shqiptare.
Trupi i saj është gjetur në Fereggiano, ndërsa thuhet se viktima është nënë e dy fëmijëve, 1 dhe 10 vjeç.
Të vdekurit nga përmbytjet në Genova deri më tani janë 6 vetë dhe shkak për këtë bilanc kanë qenë përmbytjet e shkaktuara nga moti i keq.
Nga ana e zjarrfikësve thuhet se mes viktimave janë 4 të rritur dhe 2 fëmijë, ndërsa pesë trupa aktualisht janë gjetur, po vijojnë kërkimet për trupin e një fëmije.
Dëshmitarë në vendngjarje sqarojnë se kanë parë të hyjnë në një tunel pesë persona mes tyre 2 fëmijë, duke tentuar të kalojnë rrugën përmes kësaj strehe.
Por pavarësisht tentativës së tyre një valë e fuqishme uji ka përmbytur tunelin, duke mos u dhënë asnjjë mundësi shpëtimi të strehuarve.
Ndërkaq nuk bëhet ende e ditur nëse fëmijët janë, dy fëmijët e vajzës shqiptare apo janë shtetas italian.
a.y/NOA
