Vlorë, 6 Nëntor 2011 NOA Update – Një person ka mbetur i vrarë dhe tre të tjerë të plagosur gjatë një përleshjeje me armë të ftohta që ndodhi para disa minutash në qendër të qytetit të Vlorës.
I vdekur ka mbetur një 39 vjeçar, Rizvan Mataj. Kurse të plagosur janë Zaim Çelaj, 33 vjeç, Arben Çelaj, 42 vjeç dhe Elidon Aliaj, 27 vjeç.
Burime zyrtare policore i thanë agjencisë NOA.al se ngjarja ndodhi tek rruga “Isa Boletini”, ku disa djem të rinj ishin duke luajtur domino.
Në një moment ka nisur sherr i çastit dhe një person është vrarë me thikë kurse tre të tjerë mbetën të plagosur.
Viktimat janë dërguar në spitalin lokal ku mësohet se gjendja e tyre është e rëndë për shkak të plagëve serioze të marra.
Kurse autori i ngjarjes është identifikuar dhe u shpall në kërkim pasi u largua nga vendi i krimit, thanë burimet policore.
e.t/NOA
