Vlorë, 15 nëntor 2011, NOA – Në portin e Vlorës është identifikuar automjeti tip autoveturë e markës KIA “Shuma” me targa greke YHZ 6400 dhe më pas i drejtuesit të këtij mjeti, me të cilin dyshohej se do të trafikohej lënda narkotike, ndaj të cilit është kryer një kontroll i imtësishëm.
Nga kontrolli i ushtruar ka rezultuar se, brenda në automjet në pjesën e prapakolpit, në pjesën e bagazhit dhe në veshjet e brendshme të dyerve të tapicerisë ishin fshehur 242 pako me lëndë të dyshuar narkotike e presuar, të mbështjella me natriban të bardhë. Pesha e tyre ishte 34 kg dhe llojit “Cannabis Sattiva”
Menjeherë u bë arrestimi në flagrancë i drejtuesit të mjetit shtetasit: Jordanis Panajotis Savvoulidis, vjec 23, banues në Athinë, Greqi me shtetësi e kombësi greke.
Gjithashtu u krye sekuestrimi i sasisë së lëndës narkotike dhe automjetit tip KIA Shuma.
a.q/NOA
