Moskë, 21 nëntor 2011, NOA – Kryeministri rus Vladimir Putin fërshëllehet në publik për të parën herë në karrierën e tij politike, raporton agjencia e lajmeve NOA.al.
Befasia ndodhi mbrëmjen e të dielës në kompleksin sportiv “Olimpiski” në kryeqytetin rus, kur po zhvillohej një ndeshje e arteve marciale.
Në fund të garës, kryeministri rus u ngjit në ring, përshëndeti rusët për fitoren, por publiku i pranishëm në sallë e fërshëlleu në mënyrë të zhurmshme.
Skena e sikletshme për kryeministrin rus u filmua nga televizioni shtetëror, por më pas u fshi pas replikave me shërbimin e truprojave.
Por, një pasazh i fërshëllimave mund të shihet tashmë në internet.
mit/NOA
