Kili, 22 nëntor 2011, NOA- Një kursante që ishte duke dhënë provimin për të marrë patentën, u bllokua befas në rrugë dhe e kapur nga paniku në vend që të frenonte e rriti më tej shpejtësinë.
Kjo ngjarje i ndodhi një gruaje e cila jo vetëm që nuk e mori patentën, por përfundoi në det së bashku meme instruktorin dhe makinën si rrjedhojë e shpejtësisë së madhe.
Ky incident ndodhi në Kili në portin e Antofagastas, ndërsa dy pasagjerët fatmirësisht shpëtuan pa dëme.
“Një mjet tjetër i kishte bllokuar rrugën dhe ajo në vend që të frenonte e rriti më tej shpejtësinë”, rrëfeu një dëshmitar, por manovra e gabuar mund ti kushtonte jetën.
Makina në fakt përfundoi në disa metra thellësi e gruaja nuk po arrinte dot të hiqte rripin e sigurisë ndërsa mjeti fundosej në thellësi.
Në ndihmë të gruas u hodh një kalimtar i rastit i cili i nxori nga thellësitë e ujit e për rrjedhojë dolën të padëmtuar si gruaja edhe instruktori.
a.y/NOA
