Prishtinë, 23 nëntor 2011, NOA- Në mbledhjen e Qeverisë të ditës së sotme zv.Kryeministri Hajredin Kuçi është shprehur se Shtetet e Bashkuara të Amerikës dhe Bashkimi Europian duhet të çmojnë konstruktivitetin dhe vullnetin e Kosovës për dialog.
“Dialogu duhet të jetë më konkret, pala serbe duhet të jetë më konstruktive dhe vullnetin tonë për dialog besoj se edhe BE-ja edhe SHBA-ja duhet ta çmojnë. Por duhet të rrisin presionin mbi Serbinë. Dialogu duhet të ketë afat kohor dhe po ashtu duhet të ketë tema të zgjidhura dhe nuk duhet të jetë vetëm sa për të thënë, apo vetëm sa për sy e faqe. Në këtë drejtim Kosova po i kryen obligimet e veta, por ka mundur dhe mund të bëhet më shumë”, u shpreh Kuçi.
a.y/NOA
