Korçë, 27 nëntor 2011, NOA- Një shtetas turk është kapur në pikën kufitare të Kapshticës pasi ka tentuar të hyjë drejt vendit tonë me dokumente të falsifikuara.
Burime zyrtare nga policia e Korçës bëjnë të ditur për agjencinë e lajmeve NOA.al se, Yaghob Ayaz Asgari 28 vjeç, lindur e banues në Teheran të Iranit, me kombësi e shtetësi turke, është kapur në Pikën e Kalimit Kufitar Kapshticë pasi ka tentuar të hyjë në vendin tonë me një pasaportë Bullgare e cila i përkiste një tjetër shtetasi bullgar.
Pas prangosjes Yaghob Ayaz Asgari deklaroi se këtë pasaportë e kishte marrë në Athinë, kundrejt pagesës prej 400 euro.
Lidhur me këtë rast Prokuroria e Korçës nisi hetimet për veprën penale “Falsifikimi dokumentave”.
a.y/NOA
