Shkup, 5 dhjetor 2011, NOA- Kryesocialisti Edi Rama ka reaguar nga Maqedonia lidhur me arrestimin e 4 shqiptarëve në këtë vend.
Siç informon agjencia e lajmeve NOA.al, lidhur me këtë rast shefi i opozitës është shprehur se, “Çdokush ka të drejtë të vizatojë harta. Ç’janë këta barbarë primitivë që të fusin në burg pse vizaton një hartë, arrestimi i tyre është i patolerueshëm”.
Këtë deklaratë Rama e lëshoi gjatë qëndrimit të tij në Maqedoni ku po promovon librin “Kurban’.
Policia e Maqedonisë ka arrestuar disa ditë më parë 4 anëtarë të Aleancës Kuq e Zi në Tetovë, për shkak se kanë vizatuar flamuj kuq e zi dhe hartën e Shqipërisë Entike.
Bashkë me hartën e Shqipërisë Entike ata e kanë shkruar edhe parullën “Një gjuhë, një komb, një shtet”.
a.y/NOA
