Korçë, 6 dhjetor 2011, NOA- Një grua e moshës 61 vjeçare është marrë në mbrojte nga policia pas denoncimit të bërë se mbi të ushtronte dhunë i vëllai.
Burime zyrtare nga policia e Korçës thanë për agjencinë e lajmeve NOA.al se, 61 vjeçarja me iniciale B.R,banuese në lagjen nr.10 të Korçës ka kërkuar ndihmë nga uniformat blu sepse vëllai i saj 58 vjeçar, ka ushtruar dhunë fizike e psikologjike në mënyrë të përsëritur ndaj saj.
Përmes lotëve e moshuara mësohet t’u ketë thënë policëve, “Aman më shpëtoni nga im vëlla, vetëm më rreh, më fyen e ofendon”.
Sakaq lidhur me këtë rast Prokuroria nisi hetimet për zbardhjen e rastit.
a.y/NOA
