Trento, 9 dhjetor 2011, NOA/ Arjola Ymeraj- Mospëlqimi për djalin me të cilin kishte krijuar një marrëdhënie e bija, dhe origjina e tij shqiptare bëri që dy prindër italian të ndjekin çdo rrugë që vajza e tyre e mitur të abortojë pjellën e dashurisë shqiptaro-italiane.
Siç raporton agjencia e lajmeve NOA.al, gjithë kjo nismë e prindërve erdhi vetëm e vetëm pasi nuk pëlqejnë “dhëndrin” e ardhshëm, pasi sipas tyre ai nuk mund ta kujdesë vajzën e tyre 16 vjeçare dhe as foshnjën, pasi sipas tyre ata mund të rrezikojnë në praninë e tij.
Kërkesën për abortin e së bijës, prindërit e drejtuan në Gjykatën e të Miturve në Trento të Italisë dhe presin që trupa e gjyqtarëve tu japë të drejtë argumenteve të tyre.
Mësohet se i fejuari i padëshirueshëm, është një djalë shqiptar në moshë madhore, ndonëse për prindërit e vajzës ai nuk mund ti ofrojnë ndonjë të ardhme, ai ka deklaruar se e do vajzën dhe se dëshiron të marrë përsipër kujdesin për të dhe për fëmijën.
Pikërisht tani që vajza është shtatëzanë, prindërit u munduan që ta bindnin të abortonte dhe pas kundërshtisë së saj, ata ju drejtuan gjykatës për ta bërë fakt kërkesën e tyre.
Në kërkesën e tyre prindërit shprehen, “Gjyqtarë vendosni që fëmija i vajzës sonë të mos lindë”.
Gjithsesi ky proces gjyqësor i sapo nisur ende nuk ka marrë formë dhe nuk dihet ende se cili do të jetë fati i foshnjës që pret të vijë në jetë dhe as i dashurisë shqiptaro-italiane.
a.y/NOA
