Romë, 12 dhjetor NOA - Manchester City dhe Manchester United janë në ndjekje të mesfushorit të Romës, Daniele De Rossi, por ai, në krahun tjetër duhet thënë se është impenjuar me agjentin e tij dhe drejtuesit e klubit për të arritur një marrëveshje në lidhje me zgjatjen e kontratës, për të vazhduar aventurën e tij në kryeqytet. Në edicionin e janarit të 2012 për revistën FourFourTwo, ai është shprehur tepër i lumtur prej faktit se si City dhe United kanë shfaqur interes për të, por në të njëjtën kohë deklaron se në planet e tij është vetëm Roma. “Anglia është një eksperiencë tepër e mirë. Natyrisht kur vihesh në dijeni se si Ferguson dhe Mancini dëshirojnë të kenë në skuadër, është padyshim diçka që të gëzon, por momentalisht dëshiroj të qëndroj tek Roma”, - pohon De Rossi. r.b/NOA
