Berlin, 14 dhjetor 2011, NOA - Dy videot e zbuluara rishtazi të celulës neonaziste të Zwickau-t sipas informacioneve të gazetës Bild janë video me rrëfime të qarta me një mesazh të urrejtjes.
Në një nga filmat përmendet viktima e parë, një luleshitës turk i vrarë në Nyremberg në vitin 2000, njofton gazeta. Videot e zbuluara në hardiskun e një kompjuteri janë shumë më agresive se sa videot e zbuluara në vitin 2007. Grupi terrorist "Ilegaliteti nacionalsocialist" bëhet përgjegjës për gjithsej dhjetë vrasje, dy sulme me bomba dhe grabitjen e disa bankave.
NOA/DV
