Londër, 22 Dhjetor 2011, NOA - Manchester City bën presing kundrejt Eden Hazard, mesfushorit të talentuar të Lilës.
Për 20-vjeçarin, mbi të cilin janë tepër të interesuara dhe Arsenali, Real Madrid dhe Inter, drejtuesit e City janë shprehur të gatshëm të ofrojnë 30 milionë sterlina, raporton agjencia e lajmeve NOA.al.
Siç bëhet e ditur nga e përditshmja britanike Daily Mail, ish-lojtari i Manchester City Patrick Vieira ka vëzhguar shumë herë talentin belg gjatë këtij sezoni.
Si rrjedhojë ekziston një mundësi e madhe që sheikët e City të investojnë një shumë të rëndësishme parash në drejtim të lojtarit, kjo duke parë dhe vetë pëlqimin e teknikut italian Mancini.
r.b/NOA
