Vlorë, 25 dhjetor 2011, NOA – Një ndërtues 45-vjeçar u qëllua për vdekje me armë zjarri pasditen e të dielës në afërsi të rrugës Transballkanike në qytetin e Vlorës, raportoi korrespondenti i agjencisë së lajmeve NOA.al.
Sipas të dhënave ngjarja ka ndodhur rreth orës 14:00, kur në lagjen “1 Maji” në afërsi të rrugës “Transballkanike” u plagos rëndë me armë zjarri ndërtuesi me iniciale A. D.
Ndërtuesi u transportua për në spitalin rajonal të Vlorës ku ndërroi jetë rreth orës 19:00, për shkak të plagëve të marra.
Policia e Vlorës ka nisur hetimet për vrasjen e ndodhur, duke bërë me dije se autor i vrasjes dyshohet të jetë Adnand Fotaq Gori, 31-vjeç, banues në lagjen “1 Maji” në Vlorë.
Policia e qytetit e ka shpallur Adnand Gorin në kërkim dhe po punon intensivisht për kapjen e tij.
Vrasja e ndërtuar ka ndodhur për motive pronësie.
mit/NOA
