Shkodër, 29 dhjetor 2011, NOA- Një 51 vjeçar nga fshati Buçimas i Pogradecit përfundoi në prangat e policisë pas kallëzimit të bërë ndaj tij nga një bashkëfshatare.
Burime zyrtare nga policia thanë për agjencinë e lajmeve NOA.al, se Shpëtim Haxhillari u padit nga 58 vjeçarja me iniciale L.S, e cila pretendon se shtetasi i mësipërm, me anë të forcës për një periudhë kohe prej 6 muajsh i ka zaptuar një sipërfaqe toke prej 2330 metra katrore në fshatin Buçimas.
Mësohet se toka rezulton në pronësi të gruas dhe pikërisht për këtë fakt Haxhillari u arrestua për veprën penale, “Pushtim i Tokës”, ndërsa materialet ndaj tij i kaluan Prokurorisë së Rrethit Gjyqësor Pogradec.
a.y/NOA
