Në mes të ditës në Vlorë është grabitur një filial banke në bulevardin kryesor.
Persona të armatosur kanë hyrë në bankë dhe kanë zbrazur arkën e bankës, ndërsa mësohet se një person ka mbetur i plagosur.
Autorët duke shfrytëzuar motin e keq dhe pjesën e pasme të rrugës kanë hyrë në brendësi të bankës, por fillimisht kanë plagosur me armë në këmbë rojen e bankës 50-vjeçari Viron Toskaj, i cili është dërguar me urgjencë në spitalin rajonal të Vlorës dhe gjendet jashtë rrezikut për jetën.
Klientët që ishin duke pritur pët të kryer veprimet e radhës janë terrorizuar dhe nuk kanë mundur të bëjnë veprimet.
Autorët pas grabitjes janë larguar, ndërkohë që policia ka rrethuar zonën dhe po punon për kapjen e autorëve. Gjithashtu forcat e rendit po shfrytëzojnë edhe filmimet nga kamerat e sigurisë, për të zbuluar më shumë detaje rreth kësaj grabitjeje. Kjo nuk është hera e parë që Vlora bie pre e grabitjeve të tilla në mes të ditës
