Komisioni për Çështjet Ligjore, Administratën Publike dhe të Drejtat e Njeriut ka miratuar dje me konsensus projektligjin “Për Gjykimin e Mosmarrëveshjeve Administrative dhe Organizimin e Drejtësisë Administrative.
Miratimi në unanimitet i këtij projektligji të rëndësishëm vjen pas diskutimeve e shqyrtimeve të gjera mes anëtarëve të komisionit si dhe konsultimeve me grupet e interesit.
Qëllimi i krijimit të Gjykatës Administrative është garantimi i mbrojtjes efektive të të drejtave subjektive dhe interesave të ligjshëm të personave nëpërmjet një procesi të rregullt gjyqësor dhe brenda afateve të shpejta.
