Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Izraeli së shpejti ambasadë të përhershme në Tiranë
English

Izraeli së shpejti ambasadë të përhershme në Tiranë

Kryeministri Berisha priti sot, në takim, ambasadorin e Izraelit në Shqipëri, zotin David Cohen, i cili shoqërohej nga Zëvendësdrejtorja e Përgjithshme për Euro-Azinë dhe Ballkanin pranë Ministrisë së Punëve të Jashtme të Izraelit, zonja Anna Azari.

Ambasadori Cohen, pasi i përcolli Kryeministrit Berisha përshëndetjet e përzemërta të Kryeministrit Netanyahu dhe Ministrit të Jashtëm Lieberman, i komunikoi në emër të Kryeministrit Netanyahu dhe ministrit Lieberman, vendimin e qeverisë izraelite për të shndërruar përfaqësimin e saj në Shqipëri në një ambasadë me rezidencë të përhershme në Tiranë, çka do të shënojë një hap të ri cilësor në konsolidimin e mëtejshëm të marrëdhënieve shumë të mira mes dy vendeve dhe nxitjen e bashkëpunimit në fushën ekonomike e tregtare, politike e të gjithanshëm, në interesin më të mirë të qytetarëve të të dy vendeve.

Kryeministri Berisha e vlerësoi këtë lajm, si një ngjarje jashtëzakonisht të rëndësishme në historinë e marrëdhënieve të shkëlqyera dhe miqësinë mes dy vendeve e kombeve.

Kryeministri Berisha i përcolli Kryeministrit Netanyahu dhe ministrit Lieberman falënderimet e përzemërta të qeverisë dhe qytetarëve shqiptarë dhe urimet më të mira për sukses në mision e rëndësishëm të ambasadës, tashmë rezidente në Tiranë, për të forcuar më tej lidhjet e shumta miqësore mes dy vendeve e kombeve dhe nxitjen e bashkëpunimit të gjithanshëm, në dobi të interesit të të dy vendeve.

Në takim u vlerësua fakti që tashmë ekziston një interes në rritje i investitorëve izraelitë për të ardhur në Shqipëri dhe për të përfituar nga klima gjithnjë e më e favorshme që ka krijuar qeveria shqiptare për biznes e investime. Në takim u konfirmua vullneti i dyja palëve për të rritur investimet reciproke, që do t’i shërbejnë rritjes së shkëmbimeve tregtare, por edhe nxitjes së krijimit të vendeve të punës.

KOMENTE