"Do të doja edhe votën e opozitës në proçesin e zgjedhjes, por ajo ka ushtruar të drejtën e sovranitetit të saj", është shprehur presidenti i sapozgjedhur dhe ish ministri i brendshëm Bujar Nishani para mikrofonit të mediave.
Ajo që është e rëndësishme në fakt është respekti maksimal që unë i ofroj opozitës ashtu si edhe të gjithë institucioneve të tjera në Shqipëri. Nuk ka nevojë për takim zyrtar me PS-në para se të marr detyrën. Deputetët PS janë në parlament dhe kontakti me ta do të jetë në momentin e betimit dhe pastaj do jenë normale, ka deklaruar më tej Nishani.
Lidhur me mesazhet e urimit, nëse ka marrë dhe nga opozita ai shprehet se ka marrë mjaft urime dhe nga opozita.
Nishani e komenton si një surprizë të bukur zgjedhjen e tij dhe theksoi se ka depozituar pranë kryeministrit kërkesën për dorëheqje një ditë më parë.
