Komisioni për Ekonominë dhe Financat shqyrtoi dhe miratoi dje me konsensus ratifikimin e marrëveshjes, "ndërmjet Këshillit të Ministrave të Republikës së Shqipërisë dhe Qeverisë së Republikës së Kroacisë, për zgjidhjen e borxhit të Republikës së Shqipërisë kundrejt Republikës së Kroacisë”.
Kjo marëveshje përfshin termat e negociatave mes dy palëve për riskedulimin e borxhit të vjetër kundrejt Kroacisë, ku ndër të tjera është rënë dakort që, afati i kthimit të borxhit të jetë për dy vjet. Lidhur me shlyerjen e borxhit me vendet e ish Jugosllavisë, ka mbetur vetëm Maqedonia vendi, me të cilin pritet dhe nënshkrimi i marëveshjes.
