Për të gjithë ata që vizitojnë Britaninë të kenë kujdes kur shkojnë në bregdet apo në vende ku shkëmbinjtë janë në buzë të detit.
Aksidentet janë në rritje në këto zona pasi turistën nuk kanë shumë informacion lidhur me erërat që mund të fillojnë, të cilat janë aq të fuqishme sa mund t'ju shtyjnë juve drejt rënies nga shkëmbi.
Një rast i tillë ka ndodhur dje në Beachy Head, Britani kur burri ka parë gruan e tij që u rrëzua nga shkëmbi dhe gjeti vdekjen menjëherë.
Çifti kishte parkuar makinën afër një kafeneje dhe po ecte në këmbë duke shëtitur dhe qenin e saj buzë shkëmbinjve si duket për të marrë dhe fotografi. Por erërat e forta që kanë përfshirë Britaninë në këto zona kanë bërë që gruaja të humbasë ekuilibrin dhe të rrëzohet nga shkëmbi.
Policia morri trupin e saj që e deklaroi si një aksident tragjik. Por shumë banorë shprehen se turistët nuk kanë mjaft informacion lidhur me të tilla raste ndërsa një zëdhënëse e rrojës bregdetare tha se gruaja rrëshqiti.
