Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Nishani-Arvizu: reformimi i sistemit të drejtësisë prioriteti kryesor
English

Nishani-Arvizu: reformimi i sistemit të drejtësisë prioriteti kryesor

Presidenti i Republikës, Bujar Nishani priti sot në një takim Ambasadorin e Shteteve të Bashkuara të Amerikës Alexander Arvizu, i shoqëruar nga zëvendësshefi i misionit diplomatik, Henry V. Jardine.

Gjatë takimit u nënvizuan marrëdhëniet e shkëlqyera që ekzistojnë ndërmjet dy vendeve dhe bashkëpunimi i gjatë dhe efiçent në të gjitha fushat. Presidenti Nishani theksoi faktin se Shtetet e Bashkuara të Amerikës janë miku më i madh i Shqipërisë dhe i shqiptarëve si dhe e falenderoi Ambasadorin amerikan për të gjithë angazhimin dhe bashkëpunimin që kanë ofruar SHBA-të në zhvillimet e gjithanshme në Shqipëri.

Presidenti i Republikës e garantoi Ambasadorin Arvizu për vazhdimin e bashkëpunimit të ngushtë mes dy vendeve si dhe për kontributin e Tij në forcimin e mëtejshëm të këtij bashkëpunimi.

Presidenti Nishani, në përgjigje të interesimit të Ambasadorit Arvizu vuri në dukje se ndër prioritetet e presidencës së Tij do të jenë pavarësia e sistemit gjyqësor dhe rritja e besimit të gjyqtarëve tek sistemi i drejtësisë. Kreu i Shtetit u shpreh më tej, se promovimi i gjyqtarëve do të realizohet duke u bazuar në merita, nëpërmjet një procedure të hapur dhe transparente me kritere të përcaktuara qartë.

Ambasadori amerikan Alexander Arvizu i prezantoi Kryetarit të Shtetit Zëvendësambasadorin amerikan Henry V. Jardine.

Zoti Arvizu shprehu vlerësimin e tij për zgjedhjen e Presidentit Nishani në krye të shtetit dhe vlerësoi qasjen e Presidentit në lidhje me reformimin e sistemit të drejtësisë dhe fuqizimin e rolit të Këshillit të Lartë të Drejtësisë. Ambasadori amerikan garantoi gjithashtu mbështetjen e Shteteve të Bashkuara të Amerikës, për Presidentin Nishani dhe veçanërisht në përpjekjet e Tij për reformimin e sistemit të drejtësisë.

Ambasadori Arvizu shprehu bindjen se Presidenti Nishani ka personalitetin dhe integritetin e duhur për të garantuar bashkëpunimin harmonik ndërinstitucional bazuar në pavarësinë dhe respektin e ndërsjelltë ndërmjet institucioneve.

KOMENTE