Me nisjen e vitit të ri akademik 2012-2013, Sekretariati i Rinisë dhe Emigracionit të Partisë Socialiste hap procesin e aplikimit për bursa në dy programe studimore: 20 bursa për programin Bachelor dhe 4 bursa për programin Master.
Ky aplikim është i vlefshëm për të gjithë studentët, nën 27 vjeç, që janë anëtarë të FRESSH dhe Partisë Socialiste dhe dëshirojnë të vazhdojnë studimet e larta për kualifikimin e mëtejshëm në shkenca sociale.
Dokumentacioni që duhet dorëzuar për aplikim është si mëposhtë:
· Formular që vërteton gjendjen ekonomike familjare
· Fotokopje e mesatares së vlerësimit akademik të ciklit të fundit shkollor të përfunduar
· Vërtetim për kohën e angazhimit në parti dhe pjesëmarrjen në aktivitetet e saj (vërtetim nga Kryetari I rrethit të PS).
Dokumentet e lartpërmendura mund të postohen në adresën e Partisë Socialiste, ose kopjet e skanuara mund të dërgohen elektronikisht në adresën e emailit.
……………………………………………………….
Sekretariati i Rinisë dhe Emigracionit
Partia Socialiste e Shqipërisë
Adresa: Sheshi “Austria”, Nr. 91
Tiranë, Shqipëri
E-mail: fresshaplikim@gmail.com
……………………………………………………..
Periudha kohore për aplikim: 4 shtator – 20 shtator
Përgjigja mbi fituesit e bursave: 27 shtator
Partia Socialiste promovon nga brenda shtëpisë së saj meritokracinë; një nga vlerat më të larta social-shoqërore. Ne i japim mundësi të barabarta kujtdo të riu apo të reje, që jeton në kryeqytet, qytet apo fshat. Shqipëria e së nesërmes, nis sot!
