Një huligan i cili vrapoi në fushë dhe sulmoi portierin e Sheffield Wednesday Chris Kirkland gjatë derbit Yorkshire kundër Leeds United është identifikuar nga policia.
Kur luhej minuta e 78-të, e kur rezultati ishte 1-1, një tifoz i identifikuar shumë mirë nga kamerat, iu afrua portës së ish-lojtarit të Liverpoolit, i doli përballë dhe e goditi me grusht.
Shoqata e Futbollit po heton problemin në derbi Yorkshire dhe është në pritje të raportit të gjyqtarit.
Kirkland është sulmuar nga një tifoz i Leeds pasi ndeshja ishte në barazim.
Skenat tronditëse u transmetuan drejtpërsëdrejti në Sky Sport dhe tifozët ishin të shpejtë për të dënuar problemin në Twitter dhe Facebook gjë që ndihmoi mjaf policinë dhe në identifikimin e sulmuesit.
Zyrtari i lartë i policisë në Yorkshire, Detektiv Inspektori Mark Monteiro, tha: "Me ndihmën e publikut ne kemi identifikuar në mënyrë të qartë kriminelin i cili vrapoi në fushë gjatë lojës natën e kaluar në mes të Sheffield Wednesday FC dhe Leeds United FC.
Tifozi huligan menjëherë është larguar dhe është futur në mesin e tifozëve të Leeds, që vërteton se ai ishte pjesë e tifozëve të miqve. Ndërkaq, portierit iu dha ndihma e parë në fushë.
