Tre në katër minj janë rezistente ndaj helmeve të përdorura zakonisht në disa zona.
Studiuesit paralajmërojnë se të gjithë minjtë mund të bëhen imunë brenda një dekade.
Ekzistenca e rrezikut të helmimit të maceve dhe zogjve që ushqehen me minj.
Shkencëtarët kanë paralajmëruar se është gjithnjë e në rritje një brez i ri minjsh mutantë, imun ndaj helmeve të shitura zakonisht.
Specialistët e kompanive për dëmtuesit biologjikë (Pest Control) kanë paralajmëruar se problemi është përhapur në të gjithë vendin dhe pretendojnë se është shkaktuar nga shkurtimet në këshillin e kontrollit të dëmtuesve biologjikë (Pest Control) dhe nga përdorimi i shumtë dhe jo i duhur i medikamenteve nga persona të pakualifikuar.
Minjtë duhet të ushqehen me dozën e saktë të helmit, përndryshe ata do të fillojnë të fitojnë rezistencë dhe karemi tani bëhet një ushqim shumë i mirë për ta, duke i rritur dhe duke i dhënë mundësinë për t'u shumëzuar dhe për të lindur pasardhës mutantë (rezistentë ndaj helmeve të përdoruara).
Për shkak të shkurtimeve në buxhetin e këshillit për kontollin e dëmtuesve biologjikë, familjarët kanë filluar të përdorin vetë helme kundër minjve në doza të ulta për të reduktuar kostot, çka ka sjellë dhe rëndimin e problemit.
Ekspertët e kafshëve të egra janë gjithashtu të shqetësuar në lidhje me rrezikun ndaj kafshëve të tjera - sidomos macet - të cilat mund të gjuajnë minjtë. Andy Beddoës, një kapës minjsh nga Gloucester tha se helmi nga trupi i miut mund të kalojë në kafshët dhe shpendët grabitqarë që ushqehen me minj.
Problemi i përdorimit të helmeve nga persona të pa kualifikuar ekziston edhe në Shqipëri ku ka pasur edhe raste të shumta të vetëhelmimit në njerëz. Deri tani masat e ndërmara kanë rezultuar jo efektive pasi çdo kush mund të marë helme në farmacitë e ndryshme bujqësore dhe veterinare.
Prandaj në asnjë mënyrë njerëzit e pakualifikuar dhe sidomos familjarët por dhe bizneset, në asnjë mënyrë nuk duhet të mendojnë se mund t'i bëjnë vetë dezinfektimet pasi nuk është aq e thjeshtë, problemi qëndron i thellë. Por ka patur raste që dhe vetë njerëzit e pakualifikuar madje mjaft raste në Shqipëri, shprehen që edhe pse i kanë dezinfektuar ambjentet sidomos nga brejtësit, përsëri me shqetësim thonë që pse nuk ngordhin, por pa e kuptuar që ata vetë i kanë imunizuar, si rezultat i kryerjes së proçedurës nga njerëz jo specialistë kur ndërkohë rreziku qëndron dhe në helmimet e ndryshme në njerëz pasi nuk kanë njohuri në zbatimin e proçeduarave.
