Sot ndryshohet ora. Përsëri vjen ora dimërore ku njerëzit për çudi thonë se do të flenë një orë më tepër, gjë që nuk është e vërtetë. Megjithatë e pranojmë të gjithë këtë shprehje.
Natën e së shtunës duke u gdhirë e diel akrepat do të shkojnë prapa një orë, pra ora 03:00 do të jetë ora 02:00 pas mesnate. Ndryshimi i orës bëhet dy herë në vit në javën e fundit të tetorit dhe në të dielën e fundit të marsit me qëllim shfrytëzimin sa më mirë të energjisë diellore.
Megjithatë mbi efikasitetin e këtij ndryshimi ka shumë debat. Në disa vende ndryshimi i orës nuk aplikohet, ndërkohë që Rusia po shqyrton mundësinë që të mos e ndryshojë më orën zyrtare. Përveç kësaj, nga studimet sociologe, ndryshimi i orës shoqërohet me ankth dhe rritje stresi për mjaft persona.
