Kishte dy ditë që ishte larguar nga shtëpia dhe pas alarmit të dhënë nga familja e saj është gjetur e mbytyr në lumin Osum.
51 vjeçarja Ballkëze Tare, u gjet e mbytur në afërsi të fshatit Mbrakull, ndërkohë që familjarët deklaruan se dy ditë më parë ajo ishte nisur nga fshati Valë i rrethit të Skraparit drejt banesës së saj në qytetin e Poliçanit.
Sipas policisë të parët që e kanë gjetur trupin e pajetë të nënës së tre fëmijëve kanë qenë banorët e fshatit Mbrakull që njoftuan policinë.
Hetimet e para kanë nxjerrë se shkak është bërë koha e keqe në të cilën ajo kishte marrë udhën dhe kalimi nëpër një urë pothuajse të shkatërruar.
