Filmi “1952″ i Disneyt, në të cilin duhet të luajë George Clooney, ka zgjuar interesim të madh të mediave pasi po konsiderohet si një blockbuster i madh hollivudian. Por, përveç titullit dhe rolit kryesor, pak dihet për këtë krijimtari.
Filmi “1952″, tani është vetëm një sekret i ruajtur shumë mirë, skenarin e të cilit e ka shkruar Damon Linderof (“Lost”),regji nga Brad Bird (“Mission Imposible: Ghost Protocol”), ndërsa “Disney” vetëm tani do të duhet të japë dritën e gjelbër për fillimin e xhirimeve.
Besohet se “1952″ do të ngjajë me “Close encounters of the third kind”, me protagonistin me moshë mesatare, i cili është i vendosur në qendër të takimit të njerëzve dhe të jashtëtokësorëve.
Skenaristi Linderof është i njohur për këtë tematikë, dhe ka përpunuar hit filmat si “Lost” dhe “Prometheus”, kështu që besohet se edhe kësaj here, përveç tregimit rreth vizitorëve nga hapësira do të lajmërohen edhe elemente të teorive konspirative.
