English


Piktori Arben Morina dhe ekspozita e portreteve të 40 firmëtarëve të deklaratës së pavarësisë

Në kuadër të 100 vjetorit të pavarësisë, në mjediset e Këshillit të Ministrave u hap dje në mbrëmje ekspozita e portreteve të 40 firmëtarëve të deklaratës së pavarësisë, të piktorit Arben Morina.

Ekspozita, u organizua nën kujdesin e Kryeministri Sali Berisha, i cili nderoi familjarët e firmëtarëve dhe theksoi se ashtu si ata u bashkuan 100 vjet më parë për Shqipërinë e pavarur, ashtu duhet të bashkohemi të gjithë shqiptarët në Evropë. Kjo ekspozitë do të qëndrojë e hapur për qytetarët deri më 30 nëntor 2012.

KOMENTE
  • Silvana Markgjonaj23:56 - 27 Nëntor 2012
    Përgëzoj nga zemra piktorin Arben Morina për punën kolosale dhe besoj shumë të kushtueshme...edhe ekonomikisht. Ekspozitë e mrekullueshme! Me përshtypje të jashtëzakonshme për punën e piktorit, por sidomos për atë që përfaqëson ekspozita: 40 burra të mëdhenj, 40 shqiptarë të mençur e të kulturuar, krenari e kombit dhe që, për fat të keq, janë bërë të njohur si armiq për një kohë të gjatë. Do të kisha dëshirë që me punimet e ekspozitës të përgatitej një album. Cili shqiptar nuk do të donte të njihte historinë e vërtetë dhe jetën e mendjeve të ndritura të kombit të vet? Cili shqiptar nuk do ta donte një album të tillë në shtëpinë e tij? Cili shqiptar nuk do të donte të kontribuonte për këtë, edhe ekonomikisht, përderisa edhe kjo ka kosto? Gëzuar 100 vjetorin e pavarësisë, Shqipëria jonë!