Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Kryeministri Berisha merr titullin e nderit “Menorah - 5773 Hanukkah 2012”
English

Kryeministri Berisha merr titullin e nderit “Menorah - 5773 Hanukkah 2012”

Kryeministri Berisha priti në një takim Dr. Munr Kazmir, përfaqësues dhe anëtar i bordit të Kolegjit Amerikan “Rabbinical College of Amerika”- Chabad.

Dr. Munr Kazmir, në emër të bordit drejtues të “Rabbinical College of Amerika”, Chabad, i dorëzoi Kryeministrit Berisha titullin e nderit “Menorah - 5773 Hanukkah 2012” në shenjë vlerësimi dhe falënderimi për kontributin e dhënë në forcimin e marrëdhënieve miqësore midis popullit hebre dhe atij shqiptar. Miqësia midis dy popujve është e vjetër dhe është dëshmuar qartë në mbështetjen dhe mbrojtjen bërë hebrenjve gjatë holokaustit nga populli shqiptar.

Dr. Kazmir i tha Kryeministrit se është bërë traditë nga ky Kolegj që të nderojë personalitete të njohura të botës, sidomos politikanë dhe njerëz të shquar në fusha të ndryshme, për kontribute të veçanta e të rëndësishme, në këtë kohë të shenjtë të vitit për popullin hebre, në Hanukkah. Kështu janë vlerësuar me tituj e grada nderi presidentët e Amerikës, Gerald Ford, Jimmy Carter dhe zonja Roslyn Carter, Sekretari i shtetit Henry Kissinger, si dhe lider të mëdhenj përfaqësues nga bota e biznesit si David T. Chase (President i Chase Enterprise), etj.

Dr. Kazmir theksoi se Kolegji “Rabbinical College of Amerika”, Chabad, duke i akorduar këtë titull nderi e mirënjohjeje të thellë Kryeministrit shqiptar Sali Berisha i shpreh vlerësimin e komunitetit hebre të Amerikës dhe mbarë botës për forcimin e bashkëpunimit midis dy popujve miq hebre dhe shqiptarë në këtë ditë të shënuar të festës më të madhe e të rëndësishme të hebrenjve, në Hanukkah (Festivali i dritave që festohet në dimër dhe koha e ndriçimit të shandanit simbolik hebre me 9 krahë - menorah).

Kryeministri Berisha e falënderoi përzemërsisht Dr. Kazmir dhe i shprehu mirënjohjen e tij Bordit të “Rabbinical College of Amerika”, Chabad, për titullin e dhënë, duke e siguruar për mbështetjen e tij dhe të qeverisë së tij në forcimin e miqësisë dhe bashkëpunimit midis dy popujve miq shqiptar dhe hebre. Lidhjet e forta shpirtërore e miqësore të vendosura e shprehura gjatë holokaustit janë zgjeruar e thelluar më tej si në rrafshin politik e shoqëror dhe në atë ekonomik e kulturor. Kryeministri siguroi që bashkëpunimi shumë dimensional do të nxitet dhe zhvillohet më tej edhe në të ardhmen midis dy vendeve dhe popujve miq.

KOMENTE