Kompanitë private “Global Fluids International”, s.a., dhe “Petroleum Consulting Partners”, A.G, marrin me koncesion për periudhën 10 vjeçare markimin e naftës në Shqipëri.
Kontrata parashikon që kompanitë të kontrollojnë naftën që hidhet në treg dhe të vendosin ngjyrën e saj sipas përdorimit ndërkohë deri tani ishte bërë nga kompanitë që tregëtonin "arin e zi".
Vendimi është kundërshtuar nga Përfaqësues të shoqatës së hidrokarbureve me argumentin se shtesa e një hallke të panevojshme për ngjyrosjen e naftës do të shtojë kostot për ta, e cila padyshim do të pasqyrohet në treg dhe barrën e saj do ta paguajë konsumatori.
