Drejtoria e Përgjithshme e Kodifikimit, pas një studimi krahasues të përgatitur nga Misioni EURALIUS III, ka përfunduar draftin e ligjit për reformën e pagave në sistemin gjyqësor.
Kjo iniciativë mbështetet në Strategjinë e Drejtësisë, ku parashikohet përveç rritjes se eficencës së sistemit gjyqësor, nëpërmjet rishpërndarjes së gjyqtarëve sipas ngarkesës dhe rritjes së transparencës së sistemit me fokus rritjen e përgjegjshmërisë dhe llogaridhënies, edhe përmirësimi i statusit të gjyqtarëve, si një nga çështjet kryesore të reduktimit të korrupsionit në sistemin gjyqësor. Në vlerësimin tonë, rritja e pagave është element thelbësor i përmirësimit të statusit të gjyqtarëve.
Miratimi i këtij projektligji është një faktor i rëndësishëm që do të nxisë rritjen e integritetit dhe transparencës në sistemin gjyqësor, si dhe uljen e nivelit të korrupsionit.
