Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
ISHP-ja, tregon se cilat plazhe duhet të frekuentoni dhe cilat jo
English

ISHP-ja, tregon se cilat plazhe duhet të frekuentoni dhe cilat jo

Vera akoma vazhdon dhe ka shumë të tjerë që akoma nuk i kanë marrë pushimet. Përpara se të shkoni merri informacion lidhur me plazhin që do të frekuentoni që pushimet e verës mos të kthehen në një makth shëndeti më vonë.

Instituti i Shëndetit Publik, me urdhër të Ministrisë së Shëndetësisë ka monitoruar ujërat e plazheve në pikat kryesore që preferohen nga pushuesit. Këtë vit plazhet me ujë të pastër janë Velipoja dhe Shëngjini, ku nga analizat laboratorike të bëra nga specialistë të ISHP-së, ujërat e tyre kanë rezultuar pa ndotje.

Ndërkohë që është vënë re përmirësimi i ujit në Currila në Durrës, në plazhin nga Ura e Dajlanit në Plepa, por ka ende pika të tjera të cilat nuk duhen frekuentuar në plazhin e Durrësit.

“Përmirësim i dukshëm krahasuar me një vit më parë është bërë në segmentin Ura e Dajlanit-Plepa, pasi është ndërtuar stacioni i trajtimit të ujërave dhe këtu ujërat që më parë derdheshin në det tërhiqen dhe nuk derdhen më. Problematike është zona ku derdhen ujërat e zeza dhe ujërat urbane të plazhit të Shkallnuerit. Aty nuk duhet të bëhet plazh”, deklaron Valbona Bara, shefe e sektorit të ujit dhe sanitetit ISHP.

Edhe në zonën e Golemit ka pika të cilat kanë rezultuar të ndotura për shkak të derdhjes së ujërave të zeza dhe ato urbane. “Vërehen shumë të ndotura ujërat tek Përroi i Agait, pasi është kanali ku shkarkohen ujërat urbane, si dhe tek Mali i Robit, ku është sërish një kanal i ujërave urbane që shkarkohen në det. Njerëzit duhet të lahen larg tyre”, këshillon Bara.

Ndërkohë, në plazhin e Vlorës, analizat laboratorike tregojnë për ndotje të ujit në plazhin e vjetër, ndërkohë që pas ujit të ftohtë deri në Sarandë pushuesit mund të frekuentojnë të qetë të gjitha plazhet e jugut.

“Vërehet ndotje tek Shkolla e Marinës, ku ka shkarkime të ujërave urbane dhe uji na del i ndotur. Ndërsa plazhet pas Ujit të Ftohtë janë shumë të pastra, me plazhin e Dhërmiut, Sarandës e Himarës ku mund të bëhet plazh pa frikë”, shton Bara.

E vetmja pikë që rezulton e ndotur në plazhet e Sarandës është pranë kanalit të Cukës, ku pushuesit duhet të tregojnë kujdes. Nga monitorimi i Institutiti të Shëndetit Publik vihet re një përmirësim i ndjeshëm i ujërave për shkak të ndërgjegjësimit të subjekteve private për të mos shkarkuar ujërat e zeza në det. /T.CH/

KOMENTE