Warning: file_get_contents(https://www.njoftime.net/service/xml-last-ads/): failed to open stream: Connection refused in /var/www/vhosts/lajme.gen.al/httpdocs/v2/site/controllers/genel.php on line 1153
Kosova së shpejti do të hapë ambasadën e saj në Panama
English

Kosova së shpejti do të hapë ambasadën e saj në Panama

Ministri i Punëve të Jashtme i Republikës së Kosovës, Enver Hoxhaj, gjatë qëndrimit në Nju Jork është takuar me ministrin e Punëve të Jashtme të Panamasë, Fernando Núñez Fábrega.

Gjatë takimit, ministri Hoxhaj ka rikonfirmuar vendimin e Qeverisë së Kosovës për hapjen e ambasadës së parë të Kosovës në Amerikën Latine, pikërisht në Panama.

Në këtë kontekst, Hoxhaj tha se hapja e ambasadës në Panama City, është shprehje e vullnetit të Qeverisë së Kosovës për nisjen e një kapitulli të ri të bashkëpunimit dhe shkëmbimeve bilaterale me Panamanë, si dhe me shtetet e tjera në Amerikën Qendrore dhe Jugore.

Ministri Hoxhaj po ashtu ka kërkuar mbështetjen e Panamasë në përmbylljen e procesit të njohjeve ndërkombëtare të Kosovës.

Ministri i Punëve të Jashtme i Republikës së Panamasë, Fernando Núñez Fábrega, falënderoi ministrin Hoxhaj për vizitën e zhvilluar në Panama para tre javësh, ku u vendosën edhe marrëdhëniet diplomatike ndërmjet dy shteteve.

Fábrega po ashtu vlerësoi progresin në Kosovë, duke shprehur përkrahjen e mëtejshme të Panamasë.

KOMENTE