Rreth orës 21:45 të mbrëmjes së sotme në zonën e quajtur "Lapidari", në aksin rrugor Tiranë-Elbasan ka humbur jetën deputeti i Partisë demokratike Sokol Olldashi.
Automjeti me të cilin po udhëtonte Olldashi së bashku me një person tjetër, ka dalë nga rruga dhe për pasojë vetë Olldashi, i cili ishte në timon ka humbur jetën, ndërsa personi tjetër ndodhet në gjendje të rëndë.
Aktualisht po punohet për nxjerrjen e trupi të deputetit Olldashi për ta dërguar për ekspertizën mjeko-ligjore.
Në vendngjarje ka mbërritur bashkëshortja e zotit Olldashi, ish-kryeministri Sali Berisha, kryetari i Partisë Demokratike, Lulzim Basha, ministri i Brendshëm ,Saimir Tahiri, deputeti Taulant Balla si dhe një sërë deputetësh të tjerë.
