Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Ambasada amerikane në Tiranë: shtetas amerikanë, kujdesni mos bini pre e dhunës apo grabitjeve
English

Ambasada amerikane në Tiranë: shtetas amerikanë, kujdesni mos bini pre e dhunës apo grabitjeve

“Krime të tilla si grabitjet dhe vjedhjet, rriten në mënyrë dramatike, pasi shumë qytetarë mbajnë para dhe dhurata në pazar. Gjithashtu në qendrat e mëdha tregtare qytetarët janë objektivi kryesor i grabitësve të xhepave”,- thuhet në mesazhin e ambasadës së SHBA-ve. Në mesazh theksohet gjithashtu se, qytetarët amerikanë duhet të shmangin kryerjen e blerjeve me sasi të mëdha parash kesh, të mos i lënë dhurata në automjetet të pambyllura dhe të sigurojnë si duhet banesën e tyre.

Edhe pse jo si në vitet e shkuara, ambasada u kujton qytetarëve të saj se në zonat rurale të Shqipërisë viti i ri pritet me të shtëna armësh.

“Duhet të keni kujdes nga festimet me breshëri armësh, në mesnatën e 31 dhjetorit, shpesh ka të shtëna për të pritur Vitin e Ri, të cilat për fat të keq kanë rezultuar edhe me lëndime të rënda apo vdekje, si rezultat i plumbave qorr”.
Ky është mesazhi që Ambasada amerikane në Tiranë ka paralajmëruar qytetarët e saj me rastin e festave të fundvitit në Shqipëri.

Qytetarët amerikanë duhet të bëjnë kujdes nëse kanë planifikuar të udhëtojnë jashtë Tiranës natën e Vitit të Ri. Rekomandohet gjithashtu, që edhe fishekzjarrët të shikohen në distancë të konsiderueshme, mundësisht nga shtëpia.

Ambasada paralajmëron gjithashtu qytetarët e saj që të kenë kujdes edhe prej aksidenteve automobilistike, pasi gjatë festave ka një rritje të tyre, për shkak të përdorimit të alkoolit.

KOMENTE