Tifozët e ekipit të futbollit të Tiranës kanë zhvilluar një protestë para bashkisë së kryeqytetit për gjendjen e ekipit të futbollit.
Në protestë janë më shumë se 100 tifozë të grupimit “Tirona Fanatics”, të cilët kërkojnë shpjegime për gjendje ku ndodhet ekipi, pasi është në vendin e fundit të renditjes së Superligës.
Tifozët e Tiranës kërkojnë që bashkia të ndërhyjë për zgjidhjen e krizës, pasi ekipi i futbolli rrezikon rënien nga Superliga, raporton "Shqiptarja.com".
Tifozët e Tiranës mbajnë në dorë parulla të ndryshme si: “Këtu vetëm për Tiranën, nuk e meritojmë vendin e fundit”.
Ata kërkojnë që "kryetari i Bashkisë së Tiranës, Basha të mbajë premtimet". "Basha të zgjidhë krizën e ekipit të futbollit", deklarojnë tifozët.
