Forcat e komisariatit nr 4 në Tiranë kanë ndaluar 5 shtetas pakistanezë të cilët kishin kaluar ilegalisht kufirin.
Burime nga policia bëjnë me dije se klandestinët janë kapur në rrugën “5 Maji” në kryeqytet ndërsa do të transportoheshin në kufi.
Ditët e fundit nga policia e shtetit janë ndaluar një numër i madh klandestinësh të cilët e përdorin Shqipërinë si vend tranzit për të kaluar në vendet Perëndimore.
Bëhet fjalë për një trafik që zanafilla nis prej vendeve të tyre, për të mbërritur në Shqipëri, ku destinacion kanë veriun e vendit i cili është edhe ura përfundimtare për të kaluar në Europë.
Operacionet antitrafik që po zhvillohen në qarqe të ndryshme të vendit po vijojnë të godasin këtë fenomen si dhe të ndalojnë personat që hyjnë në mënyrë ilegale në Shqipëri.
