Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Komisioni i ligjeve shkarkon kreun e ILDKP-së, Zana Xhuka
English

Komisioni i ligjeve shkarkon kreun e ILDKP-së, Zana Xhuka

Komisioni i ligjeve miraton shkarkimin e kreut të ILDKP-së, Zana Xhuka. Kërkesa e 51 deputetëve të mazhorancës u miratua me 13 vota pro dhe 1 kundër në Komision, ndërkohë që opozita nuk ishte e pranishme në mbledhje.
Kryeinspektorja e Deklarimit dhe Kontrollit të Pasurive Zana Xhuka nuk u paraqit në komisionin e ligjeve për tu njohur me raportin e grupit të kontrollit dhe nismës së 51 deputetëve të mazhorancës që kërkonin shkarkimin e saj.

Në komision munguan dhe deputetët e opozitës, të cilët u përfaqësuan vetëm nga nënkryetari i komisionit, Oerd Bylykbashi. Por, pas disa minutash edhe ai është larguar, duke deklaruar se ky veprim i mazhorancës është një sulm i turpshëm dhe i paligjshëm.

Sipas Bylykbashit edhe kontrolli parlamentar ndaj ILDKP-së ishte në shkelje të hapur me ligjin. Sipas tij shumica po kërkon të kapë institucionet e pavarura dhe opozita nuk do bëhet pjesë e kësaj farse.

Ndërkohë, kreu i komisionit, Fatmir Xhafaj, tha se me mungesën e saj të përsëritshme Zana Xhuka po tregon se nuk respekton institucionin e Parlamentit.

Xhafaj tha se, Xhuka është njoftuar zyrtarisht për mbledhjen e sotme dhe nuk ka dërguar asnjë shkresë zyrtare për mungesën saj. Mbledhja ka vijuar edhe pa praninë e opozitës ku relatori i çështjes Armando Subashi ka lexuar raportin për shkarkimin kreut të ILDKP-së.

KOMENTE