“Allahu Ekber” (Zoti është i madh). “Do të shkojmë të gjithë te Allahu. A doni që të shkojmë në xhenet a xhehnem? Allahu është i pari, Muhamedi është pas tij, ne të tjerët nuk jemi askushi”.
Këto janë fjalët që një 35 vjeçar nga Kosova ka thënë me zë të lartë në bordin e një avioni të linjës Zvicër-Kosovë dhe që mbante në 150 pasagjerë.
Kosovari mbante në dorë një shkrepëse dhe një shishe. Pas këtyre momenteve, ka qënë një tjetër kosovar, Nehat Llovca, ushtrues i arteve marciale, ai që është konfliktuar me të, duke e rrëzuar në tokë.
Sapo avioni është ulur në tokë, ai është arrestuar nga forcat e sigurisë së aeroportit ndërsa dëshmitarët kanë rrëfyer të gjithë ngjarjen.
