Warning: file_get_contents(): SSL operation failed with code 1. OpenSSL Error messages: error:1416F086:SSL routines:tls_process_server_certificate:certificate verify failed in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(): Failed to enable crypto in /var/www/vhosts/lajme.gen.al/httpdocs/v2/site/controllers/genel.php on line 1153

Warning: file_get_contents(https://www.njoftime.net/service/xml-last-ads/): failed to open stream: operation failed in /var/www/vhosts/lajme.gen.al/httpdocs/v2/site/controllers/genel.php on line 1153
Shtretër elektrikë të kompletuar me dyshekë e komodina i dhurohen Neurologjisë në spitalin Nënë Tereza
English

Shtretër elektrikë të kompletuar me dyshekë e komodina i dhurohen Neurologjisë në spitalin "Nënë Tereza"

Ministria e Shëndetësisë në bashkëpunimin me shoqatën humanitare “ALSAR” dhe Organizatën Ndërkombëtare të Ndihmave Humanitare (IHRO) me qendër në Hollandë kanë finalizuar më 4 qershor 2014, projektin “Dhurimi i pajisjeve spitalore”.

Në sajë të këtij projekti, spitalit të Neurologjisë në Qendrën Spitalore Universitare “Nënë Tereza” i janë dhuruar shtretër elektrikë të kompletuar me dyshekë e komodina. Këta shtretër janë specifikë për pacientët që kurohen në Neurologji dhe Neurokirurgji, pasi mund të komandohen në mënyrë elektromekanike për të ndryshuar pozicionin e qëndrimit të pacientit. Secili shtrat është i pajisur me dyshekun përkatës, i veshur me një shtresë mbrojtëse ndaj lagështisë dhe papastërtive që mund të lahet, duke siguruar higjienë maksimale të dyshekëve.

Zv. Ministrja e Shëndetësisë, znj. Milva Ekonomi, e cila ishte e pranishme gjatë dhurimit të këtyre pajisjeve spitalore në QSUT, shprehu falenderimin e saj për këto donacione dhe theksoi se “struktura e re spitalore e Neurologjisë ka nevojë të fuqizohet dhe për këtë ka kontribuar më së miri humanizmi i këtyre organizatave bamirëse.”

Drejtori i IHRO, z. Murat Kurt theksoi se në qendër të punës së organizatës që ai drejton është mobilimi i spitaleve me pajisje mjekësore dhe ky nuk është projekti i vetëm që po zbatohet në vendin tonë. Nga këto donacione nuk ka përfituar vetëm QSUT, por edhe spitalet rajonale. Z. Kurt u shpreh se “donacionet dhe bashkëpunimi me Ministrinë e Shëndetësisë dhe QSUT do të vazhdojnë dhe këto pajisje janë vetëm fillimi i një pune të mbarë.”

Pas dhurimit të shtretërve, punonjësit e organizatës “ALSAR” udhëzuan personelin mjekësor për përdorimin e tyre si dhe u shpërndanë manualet e montimit dhe të mirëmbajtjes.

KOMENTE